مشترياتي من اي هيرب (iherb)



صباح / مساء اللطف والجمال يا أصدقاء ..

تدوينتي اليوم عن أشياء احبها من أي هيرب .. والتجارب الناجحة طبعا ^^ استخدمتها اكثر من مرا وراح استمر عليها بإذن الله .. طبعا موقع أي هيرب هو موقع امريكي للمكملات الغذائية ومنتجات البشرة و اكل الحيوانات وكمان تلقو فيها البهارات وقهوة ومأكولات عضويه ونباتيه للنباتيين .. والميك اب واشياء كثير ..

ويميز الموقع أسعاره ممتازة جدا فرق كبير عن الصيدليات يعني ممكن تلقوا مرطب ب 50 ريال عندهم يكون بالصيدلية ب 200 ريال وما ابالغ فرق الأسعار فضيع ، فيه منتجات معروفة تلاقوها عندهم زي سيتافيل

سريع بالتوصيل 3 أيام والطلب عندي غالبا ، والحلو فيهم يعطوك تاريخ الوصول المتوقع وغالبا يكون التوصيل ع الوقت واحيانا قبل التاريخ المتوقع بس الفترة الأخيرة مع الضغط والحضر صار يأخذ من اسبوع لأسبوعين

تقدروا تختاروا شركة الشحن انا احب سمسا صراحة ع مواعيدهم.

وكود خصمي هذا هو .. ACT1022


1- فيتامين الشعر والاظافر من Natrol, (أقراص مضغ للشعر، البشرة والأظافر، توت العليق) :

- هذا الفيتامين 90 حبه قيمته تقريبا 38 ريال سعودي ما يقارب 10 $

- شفت تجارب الناس معاه والصراحه ان انا عندي مشكلة مع الفيتامينات بسبب الطعم بس هذا زي الحلاوى حبتين باليوم وتبان النتيجه بعد شهرين تقريبا انا صراحه التحسن الكبير اللي لاحظته ببشرتي .. ما اعرف هو الفيتامين او الروتين ومنتجات اخر شهرين المهم بشرتي صارت حلووه ^^

- استخدمه اول ما اصحى من النوم حبتين واشرب علبه مويا


2- غسول الوجه العميق بالشاي الأخضرمن Desert Essence :

- مناسب لكل أنواع البشرة حسب المكتوب ع العلبه ^^

- انا بشرتي مختلطه وناسبني .. بس يحتاج ترطيب قوي لانه ينشف البشرة.. وانا بستخدم معاه مرطب الكولاجين ممتاز

سعره 26 ريال ما يقارب 7$ مرتين باليوم ممتاز حتى ينشف الحبوب واستخدمته قبل اكتشف المسحات اللي حذكر لكم هي بعده


3- المسحات السحرية Stridex

- هذا المنتج يا بنات سحر سحر سحر .. لدرجة انه غالبا سولد اوت وشوفوا تجارب وتقييمات الناس بايهيرب

- يشيل الاثار القديمة للحبوب أي حبه جديده تطلع تختفي من يوم ليومين الحمرا الصغيرة .. وكان فيه حرق صغيره بخدي اثر قديم من 3 سنين قشر لي المنطقه وصغرها وقربت تختفي.

- سعره ما يقارب 17 ريال سعودي ما يقارب 5$ فيه 55 قطعه والكبير 25 ريال تقريبا 6$ فيه 90 قطع

· طريقة استخدامي ..

- بعد الغسول انشف وجهي وامسح وجهي ورقبتي بالقطعة

- واتركه من 20 -30 دقيقه

- ممكن تحسي بوخز خفيف او حراره بس عادي مش مؤذيه خفيفه

- اغسل وجهي بمويا بارده وبعدها التونر ومويا الورد والترطيب وروتيني المعتاد.

- مرتين الصباح وقبل النوم استخدمه.

- هو من مرتين الى 3 اقرأوا التعليمات للأستفادة


4- مرطب الكولاجين بالكمثرى من Mason Natural

- سعره 20 ريال سعودي ما يقارب 5$

- ترطيبه قوي احس وجهي يصير زي القطنه ^^

- ريحته 🤍🤍🤍





5- الشامبو والبلسم من Mild By Nature :

سعره للعلبة الواحدة 26 ريال سعودي ما يقارب 7$

أولا حجمه ممتاز انا واخواتي يكفينا شهر ..

بس النوع الأول الناس اللي ما تحب ريحة الحمضيات راح يستفزها..

والنوع الثاني احس فيه ريحة نعناع او شاي اخضر .. احس شعري صار صحي اكثر ولمعته حلوه ..



6- زيت الشاي الأخضر المركز من Jason Natural :

- سعرة 38 مايقارب 10$

- بالنسبه لي راح اكتبلكم استخداماتي له :

1- احط 3 نقاط تقريبا مع ملعقة جوز الهند لفروة الشعر قبل الشور بساعه كتعقيم لفروة الراس

2- احطه مع مويا واعقم فيه الاسطح زي مكتبي او الارضيه أحيانا



7- مرطب اليد والجسم بجوز الهند من Desert Essence :

- ريحته مرا حلوه وترطيبه قوي.

- انا الصراحة استخدمه لترطيب يدي ما قد جربته لجسمي وهو مرا صغير احب يكون معاي بالشنطة

- تقريبا سعره 11 ريال تقريبا 3$

وأخيرا يا أصدقاء هذي اخر مشترياتي خلال شهرين تقريبا ، اضغطو ع الصورة لاي منتج راح يحولكم لرابط المنتج في أي هيرب.

ان شاءالله تكونوا استفدتم واستمتعتوا طبعا ، وهذا كود الخصم ACT1022

دمتم بخير وسلام.


188 عرض0 تعليق
انضم إلى قائمة المراسلة الآن

كل الحقوق محفوظة لارسا @ 2020

  • Snapchat
  • Twitter
  • Instagram
  • Facebook